SECCIÓN BILINGÜE NA MATERIA DE EDUCACIÓN PARA A CIDADANÍA

SECCIÓN BILINGÜE NA MATERIA DE EDUCACIÓN PARA A CIDADANÍA 

OBXECTIVOS PROPOSTOS

Os obxectivos propostos para esta sección bilingüe son:

Aumentar a capacidade de lectura e a comprensión de textos escritos en inglés relacionados coa ética e a súa terminoloxía.

Desenvolver capacidades para a comunicación elemental oral e escrita en inglés sobre os mesmos temas.

A consecución destes obxectivos permitiralle ao alumnado participante integrarse plenamente no proxecto de diversidade lingüística e cultural que forma parte da política educativa da Consellería de Educación e Ordenación universitaria. Tamén axudará ao acercamento do alumnado a outras culturas.

Ámbito de desenvolvemento

A sección bilingüe desenvolverase na materia de Educación para a Cidadanía correspondente ao segundo curso da Educación Secundaria Obrigatoria.

Planificación da extensión na etapa nos seguintes anos académicos

A implantación desta sección bilingüe no segundo curso será continuada nos vindeiros anos académicos. Unha vez avaliados os resultados comezarase cunha posible ampliación a outras materias deste mesmo curso ou mesmo noutros cursos da ESO.

Estratexias metodolóxicas

Pola experiencia de anos anteriores, as competencias en lingua inglesa dos alumnos é relativamente baixa, especialmente nas destrezas de produción (speaking e writing).

O uso do inglés dos alumnos na súa actividade académica centrarase na lectura e consulta de documentación en inglés e na comprensión de audios ou vídeos nesta lingua.

Tendo en conta isto, a metodoloxía basearase nunha primeira parte, na capacidade de ler e comprender textos escritos, adquirindo a terminoloxía específica. Progresivamente traballarase a comprensión de textos orais.

De forma simultánea, prestarase especial atención ao desenvolvemento das destrezas básicas (listening, speaking, reading e writing). Realizaranse actividades orientadas cara a expresión oral e escrita a un nivel axeitado para as necesidades do alumnado.

Pautas para a avaliación

A avaliación realizarase en tres liñas:

Avaliación da capacidade de compresión oral e de lectura da documentación específica da materia de Educación para a Cidadanía en lingua inglesa.

Probas de seguimento sobre a adquisición de contidos de gramática e vocabulario nas clases de lingua inglesa e evolución do desenvolvemento das destrezas básicas (listening, speaking, reading e writing).

Realización das probas escritas e presentación de traballos en lingua inglesa cando así se requira.

OBXECTIVOS

OBXECTIVOS DA ETAPA

A Educación para a Cidadanía e os Dereitos Humanos nesta etapa terá como obxectivo o desenvolvemento das seguintes capacidades:

1. Desenvolver o autocoñecemento, o afán de superación e a autonomía persoal.

2. Capacitar o alumno para que poida actuar libremente nas relacións sociais con actitudes xenerosas e construtivas.

3. Coñecer e apreciar os valores e normas de convivencia e aprender a obrar de acordo con elas.

4. Coñecer, asumir e valorar os principais dereitos e obrigas que derivan daDeclaración Universal dos Dereitos Humanos, da Convención sobre os Dereitos do

Neno e da Constitución española.

5. Mostrar respecto polos costumes e modos de vida de persoas e poboacións distintas á propia, que sexan conformes coa Constitución española e as declaracións internacionais de protección dos dereitos humanos, recoñecendo os

6. Coñecer o funcionamento das sociedades democráticas e valorar o papel das administracións na garantía dos dereitos e liberdades fundamentais, así como dos servizos públicos básicos e a obriga dos cidadáns de contribuír ao seu mantemento e cumprir as súas obrigas cívicas.

7. Identificar e rexeitar situacións de inxustiza e de discriminación, mostrar sensibilidade polas necesidades das persoas e grupos máis desfavorecidos e desenvolver comportamentos solidarios e contrarios á violencia.

8. Coñecer e respectar as normas básicas que regulan a circulación, especialmente aquelas que teñen que ver coa seguridade. Tomar conciencia dasituación do ambiente e desenvolver actitudes de responsabilidade no coidado do contorno próximo.

9. Describir a organización, a forma de elección e as principais funcións dalgúns órganos de goberno do municipio, das comunidades autónomas, do Estado e da Unión Europea. Identificar os deberes máis relevantes asociados a eles.

10. Educar en saúde integral, coñecer as habilidades e valores necesarios para actuar positivamente respecto á saúde.seus valores enriquecedores para a convivencia.

OBXECTIVOS DA MATERIA

1. Recoñecer a condición humana na súa dimensión individual e social, tomando conciencia da propia identidade, das características e experiencias persoais, respectando as diferenzas cos outros e desenvolvendo a autoestima.

2. Coñecer e expresar os sentimentos e as emocións e desenvolver a afectividade nas relacións cos outros, manifestando unha actitude aberta, solidaria e respectuosa, rexeitando os estereotipos, os prexuízos e a violencia en todas as súas formas.

3. Desenvolver a iniciativa persoal, actuar con autonomía, asumindo responsabilidades individuais e colectivas, e practicar formas de convivencia e de participación baseadas no respecto, utilizando o diálogo e a mediación para evitar e resolver os conflitos.

4. Coñecer, valorar e exercer os dereitos e asumir responsablemente os deberes e as obrigas que se derivan das declaracións internacionais de dereitos humanos, da Constitución Española e do Estatuto de Autonomía de Galicia, identificando os valores que os fundamentan.

5. Asumir a pluralidade das sociedades actuais recoñecendo a diversidade como enriquecedora da convivencia e defender a igualdade de dereitos e oportunidades de todas as persoas, rexeitando as situacións de inxustiza e as discriminacións existentes por razón de sexo, orixe, crenzas, diferenzas sociais, orientación afectivo-sexual ou de calquera outro tipo, como unha vulneración da dignidade humana e causa perturbadora da convivencia.

6. Recoñecer e asumir a igualdade de dereitos e oportunidades entre mulleres e homes, valorar a diferenza de sexos rexeitando os estereotipos e prexuízos que supoñan discriminación e participar activamente na prevención da violencia de xénero.

7. Coñecer e apreciar os principios e valores que fundamentan e lexitiman os sistemas democráticos e o funcionamento da Comunidade Autónoma de Galicia, do Estado Español e da Unión Europea, tomando conciencia do patrimonio común e da diversidade social e cultural.

8. Coñecer os fundamentos do modo de vida democrático e aprender a obrar baseándose neles nos diferentes ámbitos da convivencia. Asumir os deberes cidadáns na manutención dos bens comúns e recoñecer o papel do Estado como garantía dos servizos públicos.

9. Coñecer as diversas formas de participación política, desenvolver habilidades de diálogo orientadas á participación democrática e valorar a importancia da participación cidadá, ben sexa na vida política institucionalizada, ben noutras formas de participación como a cooperación, o asociacionismo e o voluntariado.

10. Coñecer as causas que provocan a violación dos dereitos humanos, a pobreza e a desigualdade, así como a relación entre os conflitos armados e o subdesenvolvemento. Valorar as accións encamiñadas á consecución da paz e da seguridade e a participación activa como medio para lograr un mundo máis xusto.

11. Recoñecerse membros dunha cidadanía global, baseada nos valores da liberdade, a igualdade e a xustiza e implicarse activamente na súa realización, comezando por mostrar respecto crítico polos costumes e modos de vida de poboacións distintas á propia e manifestar comportamentos solidarios coas persoas e colectivos desfavorecidos.

12. Coñecer e analizar as principais teorías éticas que máis contribuíron ao recoñecemento das liberdades e dos dereitos das persoas.

13. Identificar as posicións morais que están na orixe dos principais problemas e conflitos do mundo actual, valorar a importancia da análise ética na orientación da súa resolución e desenvolver unha actitude crítica ante os modelos que se transmiten a través dos medios de comunicación, mediante a adquisición de destrezas básicas na utilización das fontes de información.

14. Adquirir un pensamento crítico, desenvolver un criterio propio e adquirir habilidades para comunicar as propias ideas e defender as propias posicións en debates, a través da argumentación documentada e razoada, así como para escoitar e valorar as razóns e argumentos dos outros.

15. Practicar o diálogo coa realidade social en continuo proceso de transformación, como instrumento para a análise crítica das conviccións persoais e a formulación dun proxecto de vida propio, na dimensión persoal, cívica e profesional.

COMPETENCIAS BÁSICAS

CONTRIBUCIÓN DA ÁREA AO DESENVOLVEMENTO DAS COMPETENCIAS BÁSICAS

A Educación para a Cidadanía contribúe a desenvolver algúns aspectos destacados de varias competencias, pero relaciónase directamente coa competencia social e cidadá. En relación con esta competencia, a área afronta o ámbito persoal e público implícito nela: propicia a adquisición de habilidades para vivir en sociedade e para exercer a cidadanía democrática. Así, a área pretende o desenvolvemento de nenos como persoas dignas e íntegras, o que exixe reforzar a autonomía, a autoestima, o afán de superación, e favorecer o espírito crítico para axudar á construción de proxectos persoais de vida. Tamén se contribúe á competencia e a mellorar as relacións interpersoais na medida que a área propón a utilizaciónsistemática do diálogo. Para isto, a área inclúe contidos específicos relativos á convivencia, á participación, ao coñecemento da diversidade e das situacións de discriminación e inxustiza, que deben permitir consolidar as habilidades sociais e os hábitos cívicos necesarios para unha sociedade democrática.Así mesmo, a área contribúe á adquisición do coñecemento dos fundamentos e os modos de organización das sociedades democráticas, á valoración da conquista dos dereitos humanos e ao rexeitamento dos conflitos entre os grupos humanos e ante as situacións de inxustiza. Son contidos específicos da área os principios contidos na Declaración Universal dos Dereitos Humanos, na Convención dos Dereitos do Neno e na Constitución española, así como a súa aplicación por parte de diversas institucións.

A identificación dos deberes cidadáns e a asunción e exercicio de hábitos cívicos adecuados á súa idade no ámbito escolar e social permitirá que os futuros cidadáns se inicien na construción de sociedades máis cohesionadas, libres, prósperas, equitativas e xustas.

Ao desenvolvemento da competencia para aprender a aprender contribúese na medida en que a área propón o estímulo das habilidades sociais, o impulso do traballo en equipo, a participación e o uso sistemático da argumentación, que require o desenvolvemento dun pensamento propio. A síntese das ideas propias e alleas, a presentación razoada do propio criterio e a confrontación ordenada e crítica de coñecemento, información e opinión, favorecen tamén as aprendizaxes posteriores.

Desde a área favorécese a competencia de autonomía e iniciativa persoal, na medida en que se desenvolven iniciativas de planificación, toma de decisións, participación, organización e asunción de responsabilidades. A área adestra no diálogo e o debate, na participación, na aproximación respectuosa ás diferenzas sociais, culturais e económicas e na valoración crítica destas diferenzas así como das ideas. O currículo atende, desde a argumentación, á construción dun pensamento propio e á toma de postura sobre problemas e posibles solucións. Con isto, fortalécese a autonomía do alumno para analizar, valorar e decidir, desde a confianza en si mesmo e o respecto ás demais persoas.

Á competencia en comunicación lingüística contribúese a partir do coñecemento e do uso de termos e conceptos propios da área. Ademais, o uso sistemático do debate, procedemento imprescindible nesta área, contribúe especificamente a esta competencia, porque exixe exercitarse na escoita, a exposición e a argumentación.

COMPETENCIAS BÁSICAS

1.     Interpretar e empregar informacións de tipo verbal, estatístico e icónico para a elaboración de informes e conclusións a partir dela, transmitíndoa axeitadamente e aplicando no devandito proceso as tecnoloxías da información e a comunicación. (C.B. 5, 1, 2, 7,8)

2.     Actuar de acordo ás normas de convivencia defendendo o seu valor como medio para regular a relación no ámbito académico, social e familiar. (C.B. 5, 1, 6, 8)

3.     Identificar e confrontar informacións, coñecementos e opinións respecto a proxectos de convivencia, destacando aqueles que proveñen do contexto galego. (C.B. 1, 5, 6, 7, 8)

4.     Deseñar plans sistemáticos e ordenados de traballo, relación e cooperación, que supoñan tomar decisións, que impliquen esforzo e responsabilidade e delimiten e sopesen as repercusións persoais e sociais das súas actuacións. (C.B. 5, 7, 8)

5.     Identificar e valorar as emocións e sentimentos propios experimentados ante situacións de desigualdade, marxinación, paro, pobreza, analizando aquelas que teñen lugar en Galicia. (C.B. 5, 8)

6.     Participar activamente en situacións de diálogo, coloquio e debate respectando as súas normas básicas e diferenciando entre argumentos e opinións. (C.B. 1, 5, 7, 8)

7.     Expoñer de forma sistemática, clara e fundamentada as causas e o alcance dos problemas e conflitos de convivencia que afectan á sociedade galega. (C.B. 1, 5, 8)

8.     Identificar a multiplicidade de factores que interveñen no desenvolvemento de determinados conflitos, especialmente aqueles que proveñen de situacións de violencia de xénero, delimitando a súa importancia e mostrando alternativas fundamentadas para a súa solución. (C.B. 5)

9.     Desenvolver actitudes de defensa e respecto do medio e reflexionar en grupo sobre os problemas ambientais que as actividades humanas producen nos ecosistemas, principalmente, no ámbito galego. (C.B. 3, 5, 6)

10.  Identificar e caracterizar diferentes formas e institucións políticas e económicas (o traballo e a situación actual dos sectores económicos), especialmente no ámbito galego, comprendendo a complexidade e transcendencia do ámbito económico nun mundo globalizado. (C.B. 3, 5)

11.  Analizar as diferentes actividades económicas que protagonizan as sociedades actuais, de forma concreta a galega, apreciando o grande impacto que tiveron no medio e nas formas de vida, e mostrando actitudes críticas ante o consumismo excesivo e os fenómenos de especulación da sociedade contemporánea.  (C.B. 3, 5, 6).

12.  Obter, seleccionar e procesar información utilizando fontes diversas e os novos medios de información e comunicación, así como elaborar novas informacións utilizando as axeitadas estratexias e técnicas do traballo intelectual como a análise crítica, recollida de datos, comparacións ou síntese, entre outras (C.B. 4, 5, 7, 8).

13.  Analizar e debater sobre novas relacionadas cos elementos que forman parte do patrimonio común de galegos (historia, cultura, arte, medio etc...), utilizando como fontes os diferentes medios de comunicación (escritos e audiovisules) de Galicia e as novas tecnoloxías da información e comunicación (C:B. 4,5,7,8).

CONTIDOS

Bloque 1. Contidos comúns.

Exposición de opinións e xuízos propios con argumentos razoados e capacidade para aceptar as opinións dos outros. O diálogo.Preparación e realización de debates sobre aspectos relevantes da realidade.Análise comparativa e avaliación crítica de informacións proporcionadas polos medios de comunicación sobre un mesmo feito ou cuestión de actualidade. Feitos e opinións.

Bloque 2. Persoa e sociedade.

Autonomía persoal e relacións interpersoais. Modelos socioculturais e autoestima, xestión das emocións, desenvolvemento de factores de protección fronte ás enfermidades, as adiccións e o consumismo.O carácter social do ser humano: persoa e sociedade. A familia no marco da Constitución española. O desenvolvemento de actitudes non violentas na convivencia diaria. A noción de cidadanía. Os criterios xurídicos de adquisición da nacionalidade española. Os valores fundamentais da Constitución española: os seus símbolos. Dereitos civís, políticos, económicos e sociais. A xustiza.A equidade e a solidariedade. O coidado das persoas dependentes. Axuda a compañeiros ou persoas en situación desfavorecida.A participación no centro educativo.

Bloque 3. Deberes e dereitos cidadáns.

Declaración Universal dos Dereitos Humanos e outros pactos e convenios internacionais asociados, como o Convenio Internacional de Dereitos Civís e Políticos de Nacións Unidas e o Convenio Europeo de Dereitos e Liberdades. A protección dos dereitos humanos fronte ás súas violacións. Os tribunais internacionais. A extensión dos dereitos humanos: un reto do mundo actual.Igualdade de dereitos e diversidade. Respecto e valoración crítica das opciónspersoais dos cidadáns con respecto aos límites impostos pola lexislación.

A conquista dos dereitos das mulleres e a súa situación no mundo actual. Os dereitos laborais e a conciliación entre a vida laboral e familiar.Os deberes cara á natureza e o ambiente. Xestión de refugallos e consumo eficiente. Preservación do noso patrimonio natural. A contaminación acústica.Bens comúns e servizos públicos. Os impostos e a contribución dos cidadáns ao sostemento dos servizos de interese xeral. O Estado do benestar. Nocións básicas sobre o sistema da Seguridade Social e o sistema español de pensións.

Bloque 4. As sociedades democráticas do século XXI.

 Estado de dereito: o seu funcionamento. O modelo político español: a Constitución española e  Estado das autonomías. A política como servizo á cidadanía: a responsabilidade pública. O deber de transparencia na xestión pública.As sociedades democráticas como sociedades plurais e abertas.

As democracias representativas. O Parlamento. A participación dos cidadáns.

As eleccións. A opinión pública.

Diversidade social e cultural. Convivencia de culturas distintas nunha sociedade plural dentro do marco constitucional.A dimensión económica da sociedade humana. Liberdade política e liberdade económica. O papel da iniciativa económica privada na xeración da riqueza e o omento do espírito emprendedor. As ONG e a sociedade civil.Consumo racional e responsable. Recoñecemento dos dereitos e deberes dos consumidores.

Estrutura e funcións da protección civil. Prevención e xestión dos desastres naturais e provocados.A circulación viaria e a responsabilidade cidadá. Accidentes de circulación: causas e consecuencias.

Bloque 5. Cidadanía nun mundo global.

Os conflitos no mundo actual: terrorismo, estados falidos, fanatismo relixioso. Dereito internacional humanitario.A loita contra o subdesenvolvemento e accións para lograr un mundo máis próspero e máis xusto.Globalización e interdependencia: o uso das tecnoloxías da información e a comunicación, novas formas de relación e lecer. Dereito á privacidade e respecto á propiedade intelectual

CONTIDOS – TEMPORALIZACIÓN

1ª AVALIACIÓN

Bloque 1. Contidos comúns.

1. Exposición de opinións e xuízos propios con argumentos razoados e capacidade para aceptar as opinións dos outros.
2.  O diálogo.Preparación e realización de debates sobre aspectos relevantes da realidade.Análise comparativa e avaliación crítica de informacións proporcionadas polos medios de comunicación sobre un mesmo feito ou cuestión de actualidade. Feitos e opinións.

Bloque 2. Persoa e sociedade.

1. Autonomía persoal e relacións interpersoais.
2. Modelos socioculturais e autoestima, xestión das emocións, desenvolvemento de factores de protección fronte ás enfermidades, as adiccións e o consumismo.
3. O carácter social do ser humano: persoa e sociedade.
4. A familia no marco da Constitución española.
5. O desenvolvemento de actitudes non violentas na convivencia diaria.
6. A noción de cidadanía.
7. Os criterios xurídicos de adquisición da nacionalidade española.
8. Os valores fundamentais da Constitución española: os seus símbolos.
9. Dereitos civís, políticos, económicos e sociais.
10. A xustiza.A equidade e a solidariedade.
11. O coidado das persoas dependentes.
12. Axuda a compañeiros ou persoas en situación desfavorecida.
13. A participación no centro educativo.

2ª AVALIACIÓN

Bloque 3. Deberes e dereitos cidadáns.

1. Declaración Universal dos Dereitos Humanos e outros pactos e convenios internacionais asociados, como o Convenio Internacional de Dereitos Civís e Políticos de Nacións Unidas e o Convenio Europeo de Dereitos e Liberdades.
2. A protección dos dereitos humanos fronte ás súas violacións.
3. Os tribunais internacionais.
4. A extensión dos dereitos humanos: un reto do mundo actual.Igualdade de dereitos e diversidade.
5. Respecto e valoración crítica das opciónspersoais dos cidadáns con respecto aos límites impostos pola lexislación.
6. A conquista dos dereitos das mulleres e a súa situación no mundo actual.
7. Os dereitos laborais e a conciliación entre a vida laboral e familiar.Os deberes cara á natureza e o ambiente.
8. Xestión de refugallos e consumo eficiente.
9. Preservación do noso patrimonio natural.
10. A contaminación acústica.
11. Bens comúns e servizos públicos.
12. Os impostos e a contribución dos cidadáns ao sostemento dos servizos de interese xeral.
13. O Estado do benestar. Nocións básicas sobre o sistema da Seguridade Social e o sistema español de pensións.

Bloque 4. As sociedades democráticas do século XXI.

1.  Estado de dereito: o seu funcionamento.
2. O modelo político español: a Constitución española e  Estado das autonomías.
3. A política como servizo á cidadanía: a responsabilidade pública.
4. O deber de transparencia na xestión pública.
5. As sociedades democráticas como sociedades plurais e abertas.
6. As democracias representativas.
7. O Parlamento.
8. A participación dos cidadáns.
9. As eleccións.
10. A opinión pública.
11. Diversidade social e cultural.
12. Convivencia de culturas distintas nunha sociedade plural dentro do marco constitucional.
13. A dimensión económica da sociedade humana.
14. Liberdade política e liberdade económica.
15. O papel da iniciativa económica privada na xeración da riqueza e o omento do espírito emprendedor.
16. As ONG e a sociedade civil.Consumo racional e responsable.
17. Recoñecemento dos dereitos e deberes dos consumidores.
18. Estrutura e funcións da protección civil.
19. Prevención e xestión dos desastres naturais e provocados.
20. A circulación viaria e a responsabilidade cidadá.
21. Accidentes de circulación: causas e consecuencias.

3ª AVALIACIÓN

Bloque 5. Cidadanía nun mundo global.

1. Os conflitos no mundo actual: terrorismo, estados falidos, fanatismo relixioso.
2. Dereito internacional humanitario.
3. A loita contra o subdesenvolvemento e accións para lograr un mundo máis próspero e máis xusto.
4. Globalización e interdependencia: o uso das tecnoloxías da información e a comunicación, novas formas de relación e lecer.
5.  Dereito á privacidade e respecto á propiedade intelectual

CONTIDOS MÍNIMOS

* Identificación e exercicio dos deberes e dereitos que teñen como alumnado dun centro.

* Coñecemento e manexo da Declaración Universal dos Dereitos Humanos, asunción dos deberes e responsabilidades que dela se derivan e valoración do proceso de recoñecemento e proclamación dos dereitos humanos como unha conquista histórica inacabada.

* Recompilación de información sobre os distintos tipos de documentos que recolle a lexislación internacional sobre os dereitos humanos (declaracións, pactos, convenios...) e sobre os mecanismos de control e protección dos acordos.

* Recoñecemento da igualdade das persoas en dignidade e dereitos, identificación e condena de situacións de violacións dos dereitos humanos e coñecemento dos recursos para denunciar e combater a violación dos dereitos.

* Valoración das diferenzas de xénero como enriquecedoras das relacións interpersoais. Coñecemento dos dereitos das mulleres na nosa sociedade actual e a loita pola súa consecución. Recoñecemento da igualdade de dereitos de mulleres e homes e identificación e rexeitamento das situacións de discriminación das que de feito aínda son vítimas as mulleres.

* Identificación do sistema de dereitos e deberes como base da convivencia política. Valoración do exercicio dunha cidadanía activa, que coñece os seus dereitos e asume as súas responsabilidades.

* Identificación da principais institucións e dos conceptos fundamentais que definen un sistema democrático. Os sistemas de votación democrática.

* Identificación e coñecemento dos principios, dereitos e deberes fundamentais recoñecidos na Constitución Española e no Estatuto de Autonomía de Galicia.

* Identificación e valoración das diversas formas de participación cidadá: cooperación, asociacionismo e voluntariado.

* Valoración da política como servizo á cidadanía: a responsabilidade pública. Información sobre a estrutura e funcionamento da protección civil e coñecemento do seu papel na prevención e xestión dos desastres naturais e provocados. Os sistemas de votación democrática.

* Asunción da responsabilidade cidadá: identificación e aprecio dos bens comúns e servizos públicos. Valoración dos impostos como contribución dos cidadáns aos gastos e investimentos públicos e como instrumento para a distribución da renda e compensación das desigualdades.

* Reflexión sobre as causas, avaliación das consecuencias dos accidentes de circulación e implicación na súa prevención.

* Coñecemento dos dereitos e deberes que implica o consumo, planificación de condutas e adquisición de hábitos de consumo racional e responsable compatible coa sustentabilidade.

* Observación do impacto das actividades individuais e colectivas sobre o medio e valoración da responsabilidade polo seu coidado.

* Valoración da diversidade social e cultural como enriquecedora da convivencia nunha sociedade plural. Identificación dos elementos culturais propios que poidan estar en perigo nun mundo globalizado e posibles solucións.

* Identificación de situacións de violación de dereitos e sensibilización fronte ás necesidades de colectivos e grupos desfavorecidos. Planificación de iniciativas encamiñadas á construción dunha sociedade máis xusta e solidaria.

* Identificación dos principais conflitos no mundo actual e sensibilización ante a situación das persoas que sofren directamente as súas consecuencias. Información sobre o papel dos organismos internacionais e as forzas de pacificación na prevención e resolución dos conflitos. Identificación e valoración das accións individuais e colectivas a favor da paz.

* Análise e valoración da influencia das novas formas de comunicación, información e mobilidade no establecemento de relacións globais entre as persoas de diferentes lugares do mundo e das consecuencias da globalización económica.

* Sensibilización ante as desigualdades: riqueza e pobreza. Coñecemento de iniciativas encamiñadas á loita contra a pobreza e a axuda ao desenvolvemento.

TEMPORALIZACIÓN

Primeira avaliación Bloques 1-2	Bloque 1. Contidos comúns. Bloque 2. Persoa e sociedade.
Segunda avaliación Bloques 3-4	Bloque 3. Deberes e dereitos cidadáns. Bloque 4. As sociedades democráticas do século XXI.
Terceira avaliación Bloque 5	Bloque 5. Cidadanía nun mundo global